Eth “xalet” Juli Soler i Santaló siguec inaugurat en an 1971 en Salardú dempús de dus ans d’òbres que sigueren finançades damb es aportacions des sòcis e sòcies deth “Centre Excursionista de Catalunya” (CEC).
Plaçat a 1274 mètres d’altitud ei part deth hilat de refugis e “xalets” deth CEC.
Plaçat a 1274 mètres d’altitud ei part deth hilat de refugis e “xalets” deth CEC.
Juli Soler i Santaló siguec un enginhèr, fotògraf, sòci deth CEC e un gran montanhaire apassionat e encamorat dera nauta montanha. Mès concrètaments des montanhes dera Val d’Aran, era Maladeta e deth Pallars.
Tan elevada ère era sua coneishença dera zòna que en an 1906 publiquèc era prumèra guida dera comarca damb eth títol dera Val d’Aran. Guida monogràfica dera comarca. E un an mès tard, en 1907, creèc era estacion meterorologica de Vielha.
Siguec er impulsor deth refugi dera Renclusa (inaugurat en 1016) ath pè der Aneto, era cresta mès nauta deth Pirineu.
Centre Excursionista de Catalunya
Eth “Centre Excursionista de Catalunya” (CEC) ei ua entitat esporitua e culturau fondada en ans 1876 que compde, ena actualitat, damb mès de 3.500 socis e un totau de 7 equipaments en territori.
En an 1877 se logue en Barcelona, en còr deth Barri Gotic (en punt mès naut dera Barcino romana), eth dusau estatge d’ua bastissa deth segle XV a on gessien capitels de tres colomnes romanes deth temple d’August, deth segle I.
En aguest espaci ei a on encara i è era sedenca sociau deth “Centre Excursionista de Catalunya” dempús que en an 1904 se deishèssen ath descorbit, pès òbres de reforma der espaci dirigit per Domenech i Montaner, totauments es tres colomnes deth temple d’August, naut deth mont Tàber dera Barcino romana, en tot dar ath locau era característica unica qu’aué manten damb orgulh. Dempús deth 1904 eth CEC s’organizèc en seccions, e entre eres era “Secció d’Esports de Muntanya” popularizèc er alpinisme e es esports de nhèu.
Entre es sòns sòcis destaquen nòms coma Pompeu Fabra, Jacint Verdaguer, César August Torras, Àngel Guimerà, Santiago Rusiñol, Josep Puig i Cadafalch, Domènech i Montaner, entre força d’auti.
